Mizo National Front
General Headquarters
Mizoram : Aizawl
Press Release
KAN KHINGPUI TURTE HAN EN HIAN KAN SAWRKAR LEH NGEI ANG
-Pu Vanlalzawma, MNF Vice President
Vawiin ni 14 November, 2022 (Thawhtanni) hian Hnam Runah chhung inkhawm neih a ni a, hun hnihna ah MNF Vice President, Pu Vanlalzawma chuan thusawiin, tunlaiah politic ngaihven ve fu fu a taka inhmang lem lo ho atang hian in sorkar leh ang em? tih zawhna hi a tam hle mai a, kan khingpui turte han en hian kan sorkar leh ngei ang, tih hi ka chhanna a ni. Achhan chu ZPM-ah beisei tur tak tak an la awmlo a, Congress nise an te tual tual a, BJP phei chu el tham an la awmlo a ni, a ti.
Pu Zawma, MNF Vice President chuan, “Nakkum lawkah kan inthlang dawn a, tunlai hian electoral roll revision buaipui mek a ni a, tun dinhmunah, kum 18-49 inkarah hian voter za zelah 62.41 an awm a, kum 50-80 ah voter za zelah 21.56 an awm bawk a, vote nei thar tur hi engemaw zat an awm bawk a, chung ho atang te chuan hmalakna thar kan neih a pawimawh hle a, block leh unit lama kan hruaituten ngaihtuahna thar an hman a tul hle a ni,” a ti.
MNF Vice President chuan, tunlaiah social media khawih thei turin phone changkang tak tak kan hum fur tawh a, social media-ah hian thuthar engkim mai kan hmu thei tawh a, chuvangin kan hman tangkai thiam a tul a, tute emaw va beih kher kha a ngai chuanglo mahse; kan beng tivar turin tunlai milin kan awm ve angai a ni, a ti.
Hnam Run chhung inkhawm hi Pu F.Aithanga PAC Member, MNF Gen.Hqrs.chuan kaihruaiin, Pu BC.Biakngura General Secy.chuan hunserh a hmang a. Pu Vanlalhriatrenga Jt.Secy.hnen atangin Chalfilh East block huam chhunga khaw 13, Pu Lalthanliana Gen.Secy ho a an fanna report ngaihthlak a ni bawk.
Sd/-
(B.LALHMANGAIHZUALA)
Joint Secretary
Media & Publicity Department
Mizo National Front
Memo No.MNF/Media/03/2022/554
Dt. 14.11.2022