Mizo National Front
General Headquarters
Mizoram : Aizawl

Press Release

‘Hnam sipai te khan an silai an tun khan hnam thuthlung an tung tel lo’. – Vanlalzawma, Vice President,MNF

Nimin ni 30.6.2022 khan Ratu Village Council leh Ratu Group MNF huaihawt Remna Ni hmanna Ratu Comunity Hall-a Khuallian Pu Valalzawma, Ex-MP leh MNF Vice President chuan ‘Hnam sipai te khan an siali an tun khan hnam thuthlung an tung tel lo’ a ti a, Mizoramin remna tluantling a neih theihna tur a nih avangin Hnam sipai ten hreh tak chungin an silai an tung mai a ni, a ti.

Pu Zawma chuan political party dang te aia MNF Party danglam bikna sawiin, ram leh hnam tana thisen leh nun hlan, Mizo hnama lungphum nei a ni ati.

Ratu khua chu MNF din tirha hmar lam hmun pawimawh, Rûnbung Capital, tuna MNF President Pu Zoramthanga pawhin chanvo pawimawh chelha a awm tawhna a nih avangin Remna Ni, ran te talha lawmna buatsaih a ni chu a in hmeh hle a ni a ti bawk.
Chhinlung Hills Development Council leh MNF thawhhona sawiin, India nena remna thuthlunga a rinawm angin a rinawm tlat dawn a ni a ti a, covid hripui leng avanga duh anga sorkarin a chhawmdawl theih loh thu a tarlang bawk.

Remna Ni lawmna inkhawm, Pu R. Lalhmingthanga VCP Ratu kaihhhruaiah hian Pu Lalthlamuana CEM, CHDC leh Pi K. Lalrengpuii, President MNWF te pawhin thu an sawi a ni.

Pu Zawma hi CHDC a EM Pu Lalnuntlanga, Pu H. Lalengzauva leh Pu Ricky Lalremsanga bakah MNF Gen. Hqrs. aṭangin Pu H. Vanlalrawna GS, PuLalnunsiama Jt.Secy.,Pu PC Lalrinkima Jt.Secy. leh Pi K. Lalchhuanawmi GS, MNWF ten an ṭawiawm a ni.

Sd/- (LALTHAKIMA)
Joint Secretary
Media & Publicity Department
Mizo National Front
Memo No.MNF/Media/03/2022/459
Dt. 1.07.2022