Mizo National Front
General Headquarters
Mizoram : Aizawl
Press Release
HNAM PASALṬHA RUANGRUH MARTAR THLANA ZALH TURA PHAWRH A NI
Vawiin ni 12 May, 2023 Zirtawpni hian Ex-Mizo National Army (Ex-MNA) te hmalaknain Hnam pasalṭha, Capt.Chhunhranga Lawtlai ruangruh chu a chhungte ngenna angin Hnam martar-te thlana dah turin phawrh a ni.
Mizo hnam tana nun hlantu Capt.Chhunhranga Lawngtlai, MNV, Phawngpui Area ruangruh hi Hnam Run, Lawngtlaiah thlahna hun hman a ni a. He thlahna hunah hian Pu Zothangruma Secretary, Ex-MNA chuan thusawiin, Ram leh hnam tana martar-te hi MNF tana martar an ni lova. Mizo zawng zawng tana nun hlana martar an ni a. Chuvangin, kan martar-te hi an zahawm a, Mizo hnam tana an nun an hlanna hi kan hre reng tur a ni. Anni mahin an nun an hlan ngam anih chuan, tuna nung dama la awmte hi chuan an inpekna hi kan ngaih hlutsak em em tur a ni a ti bawk.
Ram leh hnam tana nun hlantu Capt. Chhunhranga Lawtlai hi 31st January 1968 khan Arakan aṭangin an lo haw chho a, Vahai khawdai(Mara ram) ramhnuaiah vai sipaite nen intawng fuhin an kaphlum a, a boral hian kum 25 mi a ni.
He hunah hian martar Capt. Chhunhranga zahna lantir nan ngawi renga dingin minute khat chhung zahna chibai buk a ni.
Lawngtlai ṭhalaite leh mipuiin an ṭawiawmna ah Ex-MNA te chuan lawmthu an sawi tak meuh meuh a ni.
Sd/-
LALTHAKIMA
Jt. Secretary
Media & Publicity Department
Mizo National Front
Memo No. MNF/Media 04/2023/700
Dt. 12.05.202