Hmasawnna tam tak kan hmuh avang hian i lawm ang u – Zothantluanga, MLA

Hmasawnna tam tak kan hmuh avang hian i lawm ang u – Zothantluanga, MLA

Mizo National Front
General Headquarters
Mizoram : Aizawl

Press Release

Hmasawnna tam tak kan hmuh avang hian i lawm ang u – Zothantluanga, MLA

Vawiin June ni 15, 2023 (Ningani) hian Luangmual Branch YMA chuan Luangmual YMA Hall-ah, YMA Day an hmang a. He hun hi bialtu MLA Pu Zothantluanga chuan khuallian niin a hmanpui. Thusawiin, Pu Valtea chuan, “Sorkar tha kan neih avangin kan bial chhungah hmasawnna tam tak kan hmu a. Hmasawnna hi kan la hmu zel dawn bawk a ni. Heng hmasawnna kan hmuhte avang hian lawm nachang i hria ang u, ” a ti.

Aizawl West 1 bialtu MLA chuan, tunlai thiamna leh changkanna sang zelah, aia upate zahna a tlahniam ta hle a. Mahni tapchhak zawl atangin mahni duhna lam lam kan hawi thei tawh a. Awmhmun atangin duh duh sawiin, duh duh kan be thei tawh a. Hmel inhmu kherloa midang kan biak theih avang hian, aia upa zahna kan tlakchham phah niin a lang a. Tawngkam mawi leh hawihhawm hman kan ching peih ta mang lo a. Kan Zonun zemawi pawh zawi zawiin kan kalsan zel tawh. Zonun zemawi tivul leh turin theihtawp i chhuah thar leh ang u, a ti.

Pu Zothantluanga hian MLA fund hmanga sak, Luangmual Branch YMA, M section property house sak thar a hawng a. MLA fund hmang veka lei, ambulance thar Luangmual Branch YMA a pek chu khuhhawnna leh hlanna hun a hmang bawk.

Sd/-

(PETER CHHANGTE)
Jt. Secretary
Media & Publicity Department
Mizo National Front
Memo No.MNF/Media/04/2023/741
Dt.15.06.2023

Leave a Reply

Your email address will not be published. Required fields are marked *