Mizo National Front
General Headquarters
Mizoram : Aizawl
Press Release
HNAM PARTY-IN THEIH TAWP CHHUAHIN HE RAM TAN HIAN KE KAN PEN ZEL DAWN: DR R LALTHANGLIANA
Dt 10.6.2023 Inrinni hian Dr R Lalthangliana, Adviser chuan Lunglei South bial khaw ṭhenkhat a tlawh a. Chawngte L, Rualalung, Zehtet, Lalnutui leh Lungrang South-ah Party mite nen hun an hmang a. Zehtet-ah hian voter 14 MNF-ah a lawmlut a, Lungrang South-ah voter 51 a lawmlut bawk.
Heng khuaah te hian Dr R Lalthangliana chuan thusawiin, “Pu Zoramthanga Chief Minister kaihhruaina hnuaiah kawng hrang hrangin hma kan sawn zel a. Covid hrileng avang te leh chhan hrang hrang avangin duhthusam erawh chu a ni lo deuh mai thei e. Theih tawp chhuahin he ram tan hian ‘Pathian leh kan ram tan’ titu Hnam Party hian ke kan pen zel dawn a ni,” a ti.
MNF Adviser chuan, “India ram State zawng zawngin Covid avangin harsatna kan tawh phah a. America ram ropui meuh pawh a khawih buai hle a ni. Kha khan nasa takin kan sum dinhmun a khawih buai a. covid avanga sum kan senral hi a tam tham hle a ni. Hei vang hian hnaruak hnawh khah theih loh kan ngah phah a. Heti chung hian hmasawnna hna kawng hrang hrangin a kal mek zel a ni,” a ti a. “India State dangin harsatna an tawh ve loh vawk pul hri nasa tak, Myanmar, Bangladesh leh Manipur raltlan, lirnging nen, harsatna kan tawk nasa hle a. State dang aiin harsatna kan tawk nasa. Kum hnih leh a chanve deuh thawh hnathawk mumal lovin kan awm a ni. Chuti chung chuan kan ti ṭha thawkhat viau a ni,” a ti bawk.
Dr Thangtea chuan, “Integrated Check Post siamna tur Tlabung bul, Kawrpuichhuahah sanction kan hmu dawn a, nuai sing nga leh sanghnih kan hmu dawn a. Insumdawn tawnna lian tham tak a awm dawn a ni. Hei ringawt pawh hi a ropui tham dawn hle a, chhim lam tan thu lawmawm tak a ni,” a ti.
Dr Thangtea chuan, “ZPM hian candidate an indah thuah nasa hle a, an buai hle a ni. An Leader-in bial a lo vil tir tawh midang dah hnan a tam hle a. Lungawi lote tuam damtu committee indin hial ngai khawpin an awm a, an buai nasa hle a ni. Congress lah nise an buai em em a. MNF tan kawl thar a eng mek zel a ni. Kan boruak a kang mek zel a, hmun hrang hrangah lawmluh kan nei mek zel bawk a, a lawmawm ka ti hle. Pathian kan tan hun ṭha a herchhuah tir leh ngei dawn niin ka hria,” a ti bawk.
Dr R Lalthangliana hi Dr K Pachhunga, bialtu MLA, Prof LH Chhuanawma, Adviser, MS Dawnga Pachuau General Secretary leh party hruaituten an ṭawiawm a ni.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No.MNF/Media/04/2023/735
Dt 10.06.2023