He ram lo kaihruaia lo enkawl tawhtute hian hna nasa takin an thawk theuh, kan ram hmel pawh a danglam dawrh tawh a ni

 – Pi Zikpuii AMC Corporator

Vawiin May 26, 2023 Zirtawpni  hian Mizo Hnam Runah chhung Inkhawmna neih a ni a, hun hnihnaah Pi Chuauzikpuii AMC Corporator chuan thusawiin Pathian leh kan ram tan tia he party a kan awm/ tel chhan hi in zawt nawn thin ang u. Party tin hian tum kan nei theuh, kan tum chu he kan ram hmasawnna thlentir hi a ni. Chu kan tum leh hmathlir thlen diktir tum chuan ke kan pen theuh a, tumah chhe bik leh tha bik kan awm lo. Keini chu Pathian leh kan ram tan titu party kan nih avangin kan danglam ngam tur a ni. Tunlaiah, kan thalai, nu leh pate rilruah kan ram hi chhe viau, hmasawnna awm lo anga sawi / lantir duh kan awm thin, hei hi a pawi khawpin ka hria,  sim a tha khawp mai. He ram lo kaihruaia lo enkawl tawhtute hian hna nasa takin an thawk theuh, kan ram hmel pawh a danglam dawrh tawh a ni tih kan hriat a tha awm e. Sawrkar hnathawh leh thawh mekte hmu duh lo leh sawi duh lo, a chhiatna lai zawng ngar ngar ringawt kan awm hi a pawi khawp mai. vawiina lo kalte hian hnam a chiang hruaitu kan neih avanga hmasawnna kan neih zozai hi hre thar leh ila, kan sorkar hnathawhte hi ngaihvenin, i sawi thin ang u ati

Pi Zikpuii  chuan, Mipuite hi khawvel tukverhah kan ding tawh a, social media pawh kan in lum atangin a te ber atanga a lian ber thlengin kan khawih a, kan duh duh kan post a, kan duh duh kan sawi a, social media pawh hi kan hman thiam a pawimawh hle a, Media hian thil a tih theih tawh em avangin mipuite pawhin thudik leh dik lo kan hriat a, kan ngaihven a ngai tawh a ni. Tin, Party thenkhatin kan sawrkar hmalakna leh hnathawhte hmu duh hauh lo in zoram achhiat vek thu ringawt an tlangau pui hi sim a tha hle in ka hria a, Kan thahnem ngaihluata thil nilo lo kan lo sawi thin te hian kan hruaitu teah nghawng thalo thui tak a nei tih te, an hriat ve atan a duh thu a sawi bawk.

A sawizelna ah Corporator chuan Political Party a in hman a, Sum ringawt um hi hlimna a ni ber lo a, Sum ai chuan hmingthat a pawimawh thu leh Sum hian hlawhtlinna min pek loh thu sawiin, kan thil tih that te hi in sawisel mai lo in kan hmasawnna turah fuihtu nih a pawimawh thu asawi bawk.

Hnam Run chhung inkhawm hi Pu Herman Sangthankhuma Adviser, MNF General Headquarter chuan a kaihruaiin, Pi Lianthuami, Sethlun chuan hunserh a hmang a ni. Chief Minister Pu Zoramthanga  hova  Vairengte zin report ngaihnawm tak ngaihthlak a ni bawk.

Sd/-

LALTHAKIMA

Joint Secretary

Media & Publicity Dept.

Mizo National Front

Memo No.MNF/Media/04/2023/717

Dt.26.05.2023