Mizo National Front
General Headquarters
Mizoram : Aizawl

Press Release

Pu Ramthanmawia’n Gov’t. Thanchhuma High School, Farkawn Golden Jubilee khuallian niin a hmanpui

Dt. 27/04/2023 (Ningani): Vawiin khan Pu Ramthanmawia MLA & Vice Chairman, Bamboo Link Road Board chuan Gov’t. Thanchhuma High School, Farkawn Golden Jubilee khuallian niin a hmanpui.

Thusawiin Pu Ramthanmawia chuan kum 50-na lawm hi thil har leh namailo tak a ni a, Gov’t. Thanchhuma High School-in kum 50-na hmel hmu theia Pathian hruaina a chang hi lawmawm ka ti a. He hun thleng thei tura Farkawn khawtlang hruaitu leh School Management Committee bul lo țantute leh a hnu zela enkawl chhotute, School din chhoh nana sum leh pai thawhtu he School hming tumtu Farkawn Lal hnuhnung ber Pu Thanchhuma tu leh fate, zirtirtu hna lo thawk tawh leh thawk mekte inpekna leh thawhrimna a fakawm ka ti a. An mahni avanga High School tha tak mai nei thei leh Jubilee hial lawm thei kan ni. Zah leh chawimawi an phu takzet a ni a ti.

Khuallian Pu Ramthanmawia chuan Zirna chu ram leh hnam, khawtlang leh chhungkaw tan hmasawnna lungphum pawimawh tak a nih thu sawiin, tun lai khawvel hmasawnna kan hmuh mek pawh hi zir thiamna avanga thleng thei chauh a nih thu a. Farkawn khawtlang tan pawh Gov’t. Thanchhuma High School chu mi thiam tam tak chherchhuaktu niin Farkawn khawtlang tan a pawimawh hle a, a pawimawh zel dawn tih a sawi.

Khuallian chuan sikul hming atan Farkawn Lal hming khawtlangin an hmang chu țha a tiin Lalte kan chawimawi thiam hle a. Tunlaiah kan mi hmasate engmah lova ngai pawl an tam ta hle a, țhangtharte’n kan mi hmasate kan ngaihlut leh chawimawi thiam a pawimawh tih a sawi.

Khuallian hian a bial chhung zirna a vei thu sawiin, tun sorkarah zirtirtu hrang hrang MR Teacher, CSS Hindi Teacher, SEDP Teacher, Samagra Teacher, HSS Lecturer kan biala dah thar zat hi 147 lai a ni. Kum 2019 ah HSLC Result ah Undivided Champhai District MLA bial 5 ah a hniam berah awmin 50% ni țhin kha tunah chuan 60% ah a kai chho tawh a. Hei hi MNF sorkarin zirna a ngaihpawimawmzia lanna a ni a ti.

Khuallian chuan Zirlaite chu ruihhlo laka fihlim tur leh aia upate zahna chhawm nung zel turin a fuih a, tihtakzeta zirna kawnga hlawhtling tura bei tur leh School leh khawtlang tihmingthatu nih tum tura chahin kumtina kan sem țhin bial chhung School atanga HSLC & HSSLC Distinction a passed-te hnena kan pek țhin Laptop dawn vek tum turin ka chah duh che u a ni a ti bawk.

Jubilee lawmna Programme hi Gov’t. Thanchhuma HS tualzawl Pandal-ah neih niin, he School a lo lut tawh tlang hrang hrang amite leh Farkawn mipuite’n Jubilee lawmna hi an rawn hmanpui a. Session I leh II awmin zaithiamte nen nilengin hun hlimawm tak hman a ni. Tlaiah Jubilee ruai an țheh bawk. Session I hi Pu J. Nichhuma Headmaster TM H/S in a kaihruai a, hunserh Lalliankhumi Student TM H/S in a hmang a, Report & Introduction Pu C Lalrammawia Jubilee Organising Secretary-in a pe. Khuallian Pu Ramthanmawia’n Jubilee Souvenir a tlangzarh a, khuallian bakah Pu H Lalhminghlua Addl. DPC Champhai, Pu C. Lalramliana VCP Farkawn, Rikhuma Donor leh B Zaliana ten thu an sawi bawk. He School-a lo lut tawh mi hmingtha te hnenah Citation hlan a ni bawk.

Gov’t.Thanchhuma High School hi kum 1973 ah din niin, Kum 1975 ah Adhoc Aided-ah hlankai leh a ni a. Kum 1985 ah Deficit GIA a ni a. 1991 ah Gov’t. School-a hlan kai a ni.
He School a lo lut tawh zawng zawng hi mi 1969 an ni a. HSLC Exam hmachhawn tawh mi 1097 awmin heng zinga 625 in an passed chhuak a ni. He school a lo lut tawh mi 31 zet Gazetted Officer an awm tawh bawk.

Pu Ramthanmawia hi MNF Hqrs hruaitu Pu R. Lalthansanga Gen. Secretary. Pu PB Lalduhawma Secretary, C Lalropeka Secretary, C Vanlalhmachhuana Jt. Secretary ten an tawiawm.

Sd/-
(B LALHMANGAIHZUALA)
Joint Secretary
Media & Publicity Department
Mizo National Front
Memo No.MNF/Media/04/2023/678
Dt 27.4.202