Mizo National Front
General Headquarters
Mizoram : Aizawl

Press Release

DR. THIAMSANGA’N MI 526 LAWMLUT

Ni 18, April 2023(Thawhlehni) khan Champhai North MNF Joint Block Campaign Kick Off chu Champhai Kahrawt Hall ah neih a ni a. He hunah hian khualian niin, Bialtu MLA, Dr. Thiamsanga, Adviser, MNF Gen. Hqrs. chuan a hmanpui a, thusawiin Dr. Thiamsanga chuan, Hripui leng nasa tak, lirnghing leh ran pul nasa tak leng bakah rampawn atanga raltlan tam tak te a buaipui karah Mizoram sawrkarin theihtawp chhuah a ram leh mipui tan hma a lak reng thu a sawi a, Health Care bill ba tlingkhawm tam tak pek thuai a nihna tur leh Cancer Hospital changtlung tak din mek a nih thu a sawi a. ZMC leh Civil Hospital pawh thuamthat zel a nih thu a sawi bawk. He hunah hian Pu Thiamsanga chuan mithar Congress, ZPM leh Neutral atangin mi 526 a lawmlut a ni. Lawmna thu sawiin, MNF party hmanga ram rawngbawlna thawk tura inpe thar te inpekna chu lawmawm a tih thu leh, kan ohak tawk ang theuh a, kan awmna hmun theuha, nghet tak leh rinawm taka awm tlat turin a chah bawk.

He hun hmanpuitu Pu R. Lalhnuna, PAC Member, MNF Gen. Hqrs pawhin thusawiin, Pathian leh mipui zarah 2013 Election lo awm turah kan sawrkar leh ngei a beisei thu sawiin, Social Media leh thil dangah thu puarpawleng hmangin kan sawrkar nasa takin beih mah se, mi pangngai thil chhut tak tak chuan MNF Sawrkarin Mizoram tana rotling a thawh hnemzia an hria a, a chhe lai pir ngat ngattu nilo, thudik hria a, an thudik hriat dinpuitu mi tamtak, Zoram khawvelah an awm thu a sawi a, kalna lam apiangah hmasawnna hmel lo lang zut zut hian Mizoram tan hmel thar ṭha zawk min puttir zel mek a ni, a ti.

He hun hi Pu Lalfakzuala, President, Champhai North Block I-in a kaihruai a. Pu Saihnuna Sailo, Gen. Secy leh hruaitu dang thahnem takin MNF Gen. Hqrs atangin an hmanpui bawk.

Sd/-
(P.C. LALRINHLUA)
Secretary
Media & Publicity Department
Mizo National Front
Memo No.MNF/Media/04/2023/664
Dt.19.04.2023