Mizo National Front
General Headquarters
Mizoram : Aizawl
Press Release
DR.R.LALTHANGLIANA’N LOCAL COUNCIL INTHLAN NEIHNA HMUN HRANG HRANG A TLAWH
Vawiin April ni 19, 2023 (Nilaini) hian Minister Dr.R.Lalthangliana chuan Aizawla Local Council inthlanna hmun hrang hrang – bye election neihna Durtlang Leitan seat khat, ITI Local Council seat khat leh Zemabawk Local Council inthlanna hmun hrang hrangte a fang.
Dr.R.Lalthangliana chuan MNF campaign office-a party worker duty-te tlawh bawkin heng hmunah te hian vote thlak tawp thak thlenga party mite chu tan la zel turin a fuih. Politics khawvelah chuan a pawimawh lai ber pakhat chu election a nih thu a sawi a. Party tin worker leh campagner-te hian inthlanna thianghlim leh fel taka kalpui zel se a duh thu a sawi bawk.
Inthlanna reng rengah tling leh tling lo an awm a ngai a, MNF candidate-te an lo tling anih pawhin chapo lo tur leh, a vanduaiah an lo tang palh anih pawha beidawng lova, tan la zel turin party mite a fuih a. Zoram pumah MNF boruak a that zel thu a sawi. MNF chu Martar-te thisenin a bual, Mizo Hnam thuthlunga innghat tlat a niin, party dang ang a ni ve loh thu a sawi. Mizo Hnam a ral hma loh chuan MNF chu a ral loh tur thu Minister Dr.R.Lalthangliana chuan a sawi bawk.
Dr.R.Lalthangliana chuan inthlanna thianghlim leh felfai kan neih theihna tura hun rei tawh tak atanga hma lo la ngar ngar thin MPF duty-te chungah lawmthu a sawi bawk.
Sd/-
(R.LALHMANGAIHA)
Secretary
Media & Publicity Deptt.
Mizo National Front
Memo No.MNF/Media/04/2023/663
Dt.19.04.2023