Mizo National front
General Headquarters
Mizoram : Aizawl

PRESS RELEASE

DEPUTY CM-IN LEHKHABU A TLANGZARH

Vawiin June ni 10, 2023 Inrinni chawhnu khan Dy. Chief Minister Pu Tawnluia chuan lehkhabu “RAMHNUAI MI – An Autobiography” Col. Lalrawnliana, Ex-MNA & Ex-MLA ziah chu Dawrpui Multipurpose Hall-ah a tlangzarh.

Pu Tawna chuan lehkhabu ziaktu Col. Lalrawnliana chuan ramhnuai sipai huaisen, hnam sipai tangkai, raldonaa sulsutu a nih thu leh mahni inthunun thei bik a sawi a. “Mi pakhat a tling a ni,” tiin, a lehkhabu ziak pawh a hluin a tangkai hle dawn a ni, a ti a. Lehkhabu ziaktu chu duhsakna a hlan bawk a ni.

Lehkhabu tlangzarh inkhawm hi Pu Lallungmuana, Tuikhuahtlang-in a kaihruai a. Prof. Jangkhongam Doungel (Pol Sc Dept, MZU) chuan lehkhabu thlirlawkna hun a nei a. Lehkhabu ziaktu Col. Lalrawnliana’n thusawiin, Pu Lalpianfela Chawngthu-in lawmthu sawina hun a hmang bawk a ni.

Sd/-
(MALSAWMPUIA RALTE)
Jt. Secretary
Media & Publicity Department
Mizo National Front
Memo No. MNF/Media/04/2023/737
Dt. 10.06.2023