Mizo National front
General Headquarters
Mizoram : Aizawl

PRESS RELEASE

DAIDO – MANIPUR KAWNG SIAM Dr. L.THANGMAWIA, MLA-IN A TLAWH

Vawiin ni 8.6.2023 hian Daido kaltlanga Manipur kalna kawng siam that mek chu Dr. L.Thangmawia, MLA chuan a hmunah tlawhin Manipur ramri Vawngkawt a thleng a, Er. K.Lalsawmvela, Adviser to CM (Tech) leh Er. H. Lalrinfela, PWD SDO-ten an tawiawm.

Vawngkawta hun tawite hmannaah Dr. L. Thangmawia chuan he kawng hi luipui kan ngai lova Manipur kal theihna awm chhun a nih avangin Chief Minister Pu Zoramthanga’n a ngai pawimawh hle a, he kawng siamna tur hian NEC atangin Rs vbc 33 a dilchhuak tawh a, mahse tihfel ngai a la awm nual avangin sum hi a la hman theih rih lo. Chutih laiin Manipur buaina avangin he kawng hi hman a tul avangin kawng hlui awmsa hmanhmawh taka chei that lailawkna tur CM hian sum zawng chawpin, kumin fur laia motor tlan theih nan siamthat hna hi ni 7.6.2023 atang khan thawh tan a ni, a ti.

He kawng hi Manipur lam chuan kum 2021 khan ramri chin rawn lai thleng tawhin, blacktop hna pawh an thawk zo tawh a. Mizoram lam km 3.15 vel hi siamthat hmanhmawh ngai bik a ni, a ti bawk.

Er. K.Lalsawmvela, Adviser to CM pawhin thusawiin “Manipur panna kawng dang, Lengteng bial kaltlanga NH 102B-a Tuivai lei hlui foundation siamthat hna pawh CM in NHIDCL a ngenna angin May, 2023 khan zawh fel a ni tawh a. Tuivawl bial kaltlang NH 150 (Tipaimuk Road)-a Tuivai lei pawh tunah hian lei hlui hlawn tawh chakte lakhawmin siam tura hmalak mek a ni bawk” a ti a. “Kan CM hian kan unauten inkalpawhna kawnga harsatna an tawh loh nan a tih theih zawng zawng a timek zel a ni” a ti.

MLA hi Daido, NE Tlangnuam, Khawlian, Phuaibuang leh Phullen khua atangin mi thahnem takin an tawiawm a ni.

Sd/-
(F. LALBIAKZAMA)
Secretary
Media & Publicity Department
Mizo National Front
Memo No. MNF/Media/04/2023/729
Dt. 09.06.2023