Mizo National Front
General Headquarters
Mizoram : Aizawl
Press Release
CHIEF MINISTER-IN CHAMPHAI WINERY A TLAWH
Vawiin October ni 25, Thawhlehni zing kar hian Chief Minister Pu Zoramthanga chuan Champhai Grape Winery, Tlangsam ami a tlawh. Chief Minister hi Champhai Grape Grower Society-in an lo dawngsawng a ni.
Chief Minister chuan thusawiin, “Grape chingtute hma ngaiin kan sawrkar hmasak aṭang tawh khan hma kan lo la tawh ṭhin a. Harsatna siam zawng leh a tibuai zawng a kalpui hi kan duh lo a, an sum puk cheng nuai 83 chuang pawh rulh ngai loin kan lo inngaidam tawh a ni,” a ti a. Chief Minister chuan Grape Wine Rules chungchang sawiin, “Mizoramin Grape kan tharte aṭanga siam chhuah Grape Wine hi dan ang thlapin kalpui a ni ta a. Political Party hrang hrangte remtihnaa hming sign thlapin Grape Wine Rules hi alo piang chhuak ta a ni,” a ti. Wine rate tur hi ngaihtuah mek a ni.
Pu Zorama chuan, Grape Wine Market chungchang sawiin, ” Project mumal tak siamin hma kan la ang a, abul ṭantu ka nih angin a theih ang angin Delhi tlang thlengin hma la turin kan kal zel ang. A sawngbawlnaah leh market intervention chungchangah te, hmala turin Planning Department lam pawhin an buaipui thei ang,” a ti a. CM chuan Grape leh sapthei chu a hringtute zingah tel vea a inhriat thu leh a tuina a nih thu a sawi bawk.
Chief Minister chuan kan ram leilung that zia leh thlai chi hrang hrangin a ngeih thu a sawi a.
“Covid avangin buai viau mah ila, ngai kan awh chho leh mek a. Pathianin he ram malsawmna min pek hi hausak nan mai nilo India ram leh khawvel huap pawha a chanchintha hril nan kan hmang thei a ni,” a ti bawk.
He hun hi Grape Grower Society Chairman Pu HS Vanlalfakzuala’n kaihruaiin, Pu C.Malsawma’n tawngtaina hun neiin, Pu Hrilchunglura Gen.Manager Champhai Grape Grower Society chuan report a pe a. Harsatna hrang hrang an tawhna karah sawrkarin grape wine rule an pass sak avanga lawmthu te a sawi a. Grape chingtute grape thar cheng vaibelchhe 5 chuang man leisak tawh an ni a, MNF sawrkar hmasaah khan MIP pawisa cheng nuai 83 chu hman a ni a, chu chu puk pawh nilo, rulh ngailoin an ngaihdam sak tak hmak thu a sawi a. Sawrkarin SEDP-ah pawh grape chin thlan theih tura a han siam te hi lawmawm an tih thu a sawi bawk a ni.
Chief Minister hianhian tukin zingah khan Keilunglaih Tuikhuah sawrkar hmalakna chu a hmunah a tlawh a. Chief Minister hi Champhai North bialtu MLA, Dr.ZR Thiamsanga, Health & Family Welfare Board Vice Chairman, Champhai DC Pu James Lalrinchhana, Champhai SP leh MNF Gen.Hqrs Gen.Secy Pu Saihnuna Sailo leh party hruaituten an ṭawiawm a ni.
sd/-
(B LALHMANGAIHZUALA)
Joint Secretary
Media & Publicity Dept.
Mizo National Front
Memo No.MNF/Media/03/2022/538