Mizo National front
General Headquarters
Mizoram : Aizawl

PRESS RELEASE

CADC ELECTION CHU TUICHAWNG BIAL INCHUHNA A NI: Pu RRRa

Vawiin May ni 11, 2023 Ningani chawhnu dar 1 khan Mizo Hnam Runah inkhawm buatsaih a ni a. Thusawitu MNF Adviser & Minister Pu Robert Romawia Royte chuan CADC inthlan chu BJP-ten Tuichawng MLA bial inthlan tlukin an bei, a ti.

Vawiina Chakma Autonomous District Council Election 2023 result chungchang sawiin Pu Roberta chuan, “Sorkarna kan siam thei hi a lawmawm hle a, kan party thawhhona a tha a, discipline khawng tak kan kenkawh tlat avangin bial tinah kan chet dan a mawi,” a ti a. BJP-te erawhin an bei nasa lutuka sectoral magistrate-ah hial zualko ngai khawp case an neih thu a sawi.

CADC Election result chuan Tuichawng MLA bial mai bakah MLA bial paruk pasarih thleng a nghawng avangin CADC-a sorkarna siam chu a pawimawh lehzual tih sawiin, “Vawiina CADC result hian MNF mipui a tiphur thar hle.

“Tunah hian MNF thlipui thar a thawk mek a, hmun hrang hrangah lawmluh tur an tam hle,” tiin Congress Unit president-te chu zin kawnga kal paha an lawmluh thu a sawi.

District Council & Minority Affairs changtu Pu Roberta chuan CADC sorkar – musical chair ang maia a kal thin chu tha lo a tih thu leh hemi titawp tura hma a lak nasat dan a sawi a. “Tunah chuan CADC sorkar ngelnghet tak a lo ding dawn ta a, a lawmawm tak zet a ni,” a ti.

Inkhawm hi MNF Vice President Pu Vanlalzawma’n a kaihhruai a, MNF Adviser Pu TC Pachhunga’n hunserh a hmang a ni.

Sd/-
(MALSAWMPUIA RALTE)
Jt. Secretary
Media & Publicity Department
Mizo National Front
Memo No. MNF/Media/04/2023/696
Dt. 11.05.2023