Mizo National Front
General Headquarters
Mizoram : Aizawl

Press Release

CADC ELECTION AH MNF IN AMALA SORKAR SIAM KAN IN BEISEI

-RRR-a

Vawiin ni 3.5.2023 Nilaini hian MNF Adviser Pu Robert Romawia Royte chuan, Pathian leh mipui zarah MNF in CADC ah party mala sorkar siam kan in beisei a ti.

Pu Robert Romawia Royte chuan, Chakma Autonomous District Council(CADC) Election-a Chawngte leh a chhehvela campaign mek Minority Affairs Minister ni bawk Pu Robert-a chuan, Chakma mipuiten Pu Zoramthanga sorkarin Mizoram dung leh vanga hmasawnna hna a thawh dan leh Chakma area-a sorkar hmalakna hrang hrangte atakin an hmu a, hengte bakah hian hmasawnna liantham thawh tur a in sehmur mekte an hmuh bawk avangin MNF party ngei an thlan tlin leh a rin thu a sawi a.

District Council & Minority Affairs Minister chuan, CADC area chhunga sikul sak that ngai te sak that vek tum anih thusawiin, Kamalanagar to Barapansury kawngpui chu cheng nuai 4000 sengin siam tan mek a nih thu te, Kamalanagar khawpui chhung kawngte pawh cheng nuai 500 senga siamthat anih tur thu a sawi a. Kamalanagar College-ah IT Centre siam nan cheng nuai 99 sanctioned anih thu leh Hostel pawh cheng nuai 280 chuangin sak mek a ni bawk, tih a sawi bawk.

MNF Adviser chuan, MNF sorkarin Covid hripui kara hmasawnna hna Zoram kiltina a thawh dan hi mipuiin an hailo, leirem rapa sorkar a che tan mek hi hmuhnawm tham a tling a ni tiin, SEDP Batch No 1 chhungkaw 60000 ten instalment 2 an dawng tawh a, a instalment 3 na tur MLA Election hmaa sem leh tum a nih thusawiin, SEDP Batch No 2 ah pawh chhungkaw 60000 dang thlan leh mek a ni a, an ni pawh hi sorkarin a pe leh dawn a. SEDP hi atir atanga kan hotute sawi angin cheng nuai 3 aia tlem lova instalment system a sem zel tur a ni a ti bawk.

Sd/-
LALTHAKIMA
Jt. Secretary
Media & Publicity Department
Mizo National Front
Memo No. MNF/Media 04/2023/685
Dt. 3.05.2023