Mizo National Front
General Headquarters
Mizoram : Aizawl
Press Release
AGRICULTURE PRODUCT MARKETING COMMITTEE ACT BOARD KAN DIN DAWN – C.Lalrinsanga, Agriculture, Minister
Vawiin December ni 5, 2022 (Thawhtanni) hian Mizo Hnam Runah chhung inkhawm neih a ni a. Hun hnihnaah Agriculture Minister, Pu C.Lalrinsanga MNF Adviser chuan thu sawiin, MNF hi Mosia anga hnam tana meichher kengtute kan ni, a ti.
MNF Adviser chuan, Pu Denga hova kalkhawmte kha, Tuipuiral atanga chanchintha meichher ang kha an ni a, vawiinah anmahni zarah MNF chuan kum 60-na hmang theiin kan awm phah a, Israel fate Pathian in a chher dante nen he MNF kalphung hi a inang hle a, he hnamah hian MNF hmingin Pathianin chi a tuh tawh a, a la let tawh dawn lo a ni. MLA, District Council, AMC, Local Council leh Village Council-ah te kan inthlang a, MNF party chu kan tling chho char char a, hetiang ang renga Pathian min hriatna hi a awm ngailo ang, he ram kalpui tur hian kawng laklawhah min kalsan dawn lo a ni, a ti.
Agriculture Minister chuan, Agriculture-a rahbi thar kan rem zawng zawngte hi kum thum (3) kan kalpui leh anih chuan hmel fai takin hmasawnna kan nei ngei ang a ti a. ‘Agriculture Product Marketing Committee Act Board’ kan din dawn a, kan Chief Minister hoin ruahmanna kan siam mek a, chu chuan kan thlai tharte tihral zung zung dan kan ngaihtuah dawn a, India ram mai nilo foreign country thlengin hralh kan tum a, Hmarcha (Mizo Chilli) pawh matric ton 4 vel, German leh USA-ah hralh chhuah tum mek a ni. Buh tih thatna turin OB-12 hman tan tum a ni a, OB-12-a bacteria hian buh leh thlai thatna tur tam tak a pui a, pangang, thlai eichhetu hrang hrangte hi technology hmangin kan tihlum zel dawn a, Dragon fruit-te pawh drip-technology hmangin enkawl mek a ni, a ti a.
Pu Sangtea, Agriculture Minister chuan, Tuiverh chungchangah mahni compound chhunga duh duhna hmuna lo verh ve ngawtte hian kan tuihna tam tak a ti bo a, kan ram humhim nan dan siam thar thain kan hria a. ’The Mizoram River Protection Bill’ hmang turin ruahmanna kan kalpui mek a ni, a ti bawk.
MNF Adviser chuan inthlan kan hmachhawn leh turah kawng hrang hrangin tan kan lak a ngai a, kan hmabakah kan opponent-te hi eng ang dinhmun nge an nih tih kan hriat a tha a, Mizoramah hian Political structure-ah chuan MNF hi a lian ber a ni a, Congress hian ruhrel lian tak an la nei ve bawk a, amaherawhchu, Central-a sorkarna an neih loh chuan thuruk lakna tur an nei lo a, rintlak an ni chuang lo a.
ZPM chu Tangkawng chaw ang deuh hi an ni a, tawh leh khawih chet hlekin an teh hek hek a, achhanchu ruhrel nghet rintlak an neihloh vang a ni. Minister leh MLA-ahte hian eptu lam hian sawiselna tur min nei lemlo a, chutah tak chuan kan pu ber Chief Minister hi an bur bun ta ringawt a, martar-te thisena lei hi kan Pathian hian kawng laklawhah min kalsan mai dawn lo tih hi achiang em em a ni, MNF Adviser chuan a ti bawk.
Mizo Hnam Run chhung inkhawm hi pu Lalthlengliana MNF Vice President chuan kaihruaiin, Upa Dr.Lalzama (Ex-minister) Adviser chuan hunserh a hmang a, party mi thahnem tak an kalkhawm a ni.
Sd/-
(B.LALHMANGAIHZUALA)
Jt. Secretary
Media & Publicity Department
Mizo National Front
Memo No.MNF/Media/03/2022/569
Dt. 05.12.2022