Mizo National Front
General Headquarters
Mizoram : Aizawl

Press Release

MNF CHUAN RINAWM TAKIN KAN THUTIAM KAN HLEN AN- MNF Senior Vice President

Vawiin June ni 18, 2024 (Thawhlehni) hian MNF Senior Vice President, Dr.R.Lalthangliana leh a thuihhruaite chu MNF District Headquaters Lawngtlaiah party hruaiten an lo hmuak a.

He hunah hian MNF Senior Vice President Dr.R.Lalthangliana chuan MP inthlan result khan MNF mi leh sa tumah tihnual lo se a duh thu a sawi a. “Keini pawh kum 2019 MP inthlanah khan party zawng zawngin min beih rawn a, vote tam takin kan chak a, tuna ZPM MLA neih zat hi MLA kan nei ve tho bawk. Tun tumah khan Congress nen thawk ho ta i la, vote sing tel fein ZPM MP candidate kha kan hneh dawn a ni,” a ti.Tuna LADC-a MDC rinawm taka awmte chu a fak hle a. Congress-te nen an thawhho theih avangin lawmthu a sawi a. By-Election ah hian kan tling a nih chuan MNF chuan rinawm takin kan thu tiam kan hlen ang a, sorkar nghet leh tha tak kan siam thei dawn a ni, a ti. Lawngtlai mipuite chu MNF candidate vote vek turin a sawm a ni.

Pu Lalrintluanga Sailo MLA pawhin LADC by-election lo awm turah Congress-te nen an thawhho avanga chak ngei an in rin thu a sawi a. State-ah sorkar rih lo mah ila, reiloteah kan la ding chhuak leh dawn a. ZPM-te hi an in thurual lo hle a, an sawi loh ang hlirin an awm bawk. Tuna MNF MLA 10-te hian kum 2028-ah a lo berah MLA 27 aia tlem lo kan hring chhuak dawn a ni a ti.

He hun hi Pu VL.Hmuaka, District Council Chairman-in a kaihruai.

Sd/-
(R.LALHMANGAIHA)
Secretary
Media & Publicity Deptt
Mizo National Front
Memo No.109/2024
Dt.18.06.2024