LADC-AH MNF SORKAR DIN LEH TURIN PLAN A,B,C KAN NEI;

MP atan Pu K.Vena a tha ber -Robert Romawia Royte, MNF Adviser.

Lawngtlai 1.4.2024: Vawiin chawhma dar 11:00Am khan MNF Adviser leh Hachhek Bialtu MLA ni bawk Pu Robert Romawia Royte chuan MNF Dist. Hqrs Lawngtlai party chhung inkhawmah thusawiin LADC sorkar suspend ngaia a awm chu pawi a tih thusawiin LADC ah sorkar nghet tak a din leh thuai theihnan MNF chuan Plan A,B,C thlengin a nei a.MDC 24 awmnaah MNF in MDC 19 nei mahila MDCs te thawhho theihloh avangin LADC sorkar suspend a ni a,MNF Gen Hqrs chuan MNF MDC zawng zawngte zaikhata luang turin a duhin a beisei a,chu chu Lairam mipuiin MDC te an vote tlin chhan pawh a ni.

Lai hnam leh LADC zahawm nan MNF Party chuan hma ala mek a,mipui rintlak sorkar tha a pian thuai beisei ang u a ti.

Hachhek bialtu MLA Pu Robert Romawia Royte chuan April 19 2024 ah MP Lok Sabha inthlan alo hun leh ta a, hetah hian Parliament House chhung leh pawnah pawh Tribal te,Minorities leh Kristiante huai taka tan tlat ngamtu Pu K.Vena hi Mizoram aiawh MP atan chuan a tha ber a,party party sawi lovin Pu K.Vanlalvena hi mipui MP ni turin i vote tlang ang u,a ni hi MP atana enchhin chawp ngai tawh lo,a tha tih hriat sa a ni a ti.

MNF Adviser Pu Roberta chuan Manipura kan unaute tawrhna te,raltlan chungchangah te,Myanmar nena inkalpawh phalna(FMR) Central sorkarin a hlih chung changte,Myanmar ramri hung chungchangte,Uniform Civil Code(UCC) chungchangte leh Kristian nekchepna thleng mekah hian Mizoramin MP chak leh huaisen kan mamawh a.Pu K.Vena hi a tlin chuan NE a party lian-NPP(Meghalaya) te,NDPP leh NPF(Nagaland),AGP(Assam) tenen huai takin kan hnam leh sakhua tana tha lo te hi inthurualin an do dawn a MP candidate dangte aiin tling ngei tura mipui beisei mek Pu K.Vena vote hi a fuh ber a ni a ti.

Lawngtlai Hnam Runa chhung inkhawm hi Pu Lalzahawma Chinzah MNF District Hqrs Lawngtlaiin a kaihruai a ni.

Sd/-

(F LALBIAKZAMA)

Secretary

Media & Publicity Deptt

Mizo National Front

Memo No. 48/2024

Dt.01.04.2024