Mizo National Front
General Headquarters
Mizoram : Aizawl
Press Release
K.VENA’N KHAW HRANG HRANGAH CAMPAIGN NEI MEK ZEL
Pu K Vanlalvena, MNF Lok Sabha candidate leh Dr R Lalthangliana, Senior Vice President chuan nimin leh vawiin khan khaw hrang hrang – Keifang, Saitual, Seling, Thingsul, Tluangvel, Baktawng Chhingchhip, Chhiahtlang, Serchhip, Thenzawl leh Sialsuk te an fang a. He hunah hian hun ṭh tak an hmang a ni.
Heng hmunahte hian Dr R Lalthangliana chuan thusawiin, “Lok Sabha MP kan thlan tur hi ram mipui zawng zawng ten kan thlan tur a nih avangin a pawimawh em em a. Chuvangin, Pu Vena hi kan party candidate turin kan thlang ta a ni. Pu K Vena hi kan MP neih tawh zingah Vawi 20 dawn House a ding ngam awm chhun a la ni a. Ram leh hnam tan thisen far tawp thleng pawha ding ngam tur candidate atan kan thlangchhuak a ni. Zoram tana ding nghet tur, kan ram kan hnam leh sakhua tana a tawp thlenga ding ngam tur hi kan chhung tak zet a ni,” a ti.
MNF Sr Vice President chuan, “Pu K Vena hi MNF party hminga ding ni mahse Zoram mipuiin kan vaia kan thatpui theih tur leh ram leh hnam tan huaisen taka lo ding thin a nih avang hian neutral rilru taka ngaihtuahna nei chungin lo vote theuh turin ka ngen che u a ni. Parliament House-ah kan ram leh hnam tana zam lo leh na taka hnam chhana lo ding tawh ṭhin a nihna te min hriat pui a, party colour dah ṭhaa min vote pui ṭheuh turin Zoram mipuite kan sawm a ni,” a ti bawk.
Heng hunah hian Pu K Vanlalvena pawhin thusawiin, “Zoram mipui aiawha ding thei tur ka nih avangin mipui Candidate niin tunah hian ka rawn ding a ni. MNF MP(RS) nilai ka nih rih avangin MNF ticket a ka din angaih si avangin tunah hian ka rawn ding a ni a. Ram mipui ten Party ngaithuah lova kan hnam tana ding thin ka nihna hriaa min vote turin ka ngen che u a ni,” a ti.
“Parliament-ah hian MNF party ngaihtuah theih a ni lova, kan ram leh hnam, sakhaw himna hi ka ngaihtuah ber a ni thin a ni. MP kan nihna aṭangin Committee sang kan tel venaah te Sawhthing hralhna chungchang leh oil palm hralhna chungchang te theihtawp kan chhuah a, China atanga sawhthing lakluh thin te pawh khuahkhirh niin, NE mai bakah Mizoram ten sawhthing man man zawkin kan hralh theih phah ta a ni. MNF hi Pathian leh kan ram tana thawktu kan ni a. BJP te nen inzawm anga min sawi thin te pawh a chhanna chu tunah hian BJP-in MP candidate hran an neih hian kan inzawm loh zia a tichiang mai a ni,” a ti a. “Kan ram leh hnam tana brih mai bakah, kan chipuite Zoram chhehvelah an buai em em a, Lok Sabha MP-a min thlantlin chuan kan unaute kuangkuah tur hian theih tawp ka chhuah zel dawn a ni,” K Vena chuan a ti bawk.
Sd/-
(LALṬHAKIMA)
Joint Secretary
Media & Publicity Deptt
Mizo National Front
Memo No. 44/2024
Dt.28.03.2024