Er. R.ROHMINGLIANA MLA CHUAN A BIAL CHHUNGA INTERNATIONAL BOUNDARY FENCING A BSF DUTY TE A TLAWH

Mizo National Front
General Headquarter
Mizoram : Aizawl

Press Release

Er. R.ROHMINGLIANA MLA CHUAN A BIAL CHHUNGA INTERNATIONAL BOUNDARY FENCING A BSF DUTY TE A TLAWH

Ni 29.1.2024 atang a abial chhung khaw hrang hrang tlawha zin kual mek, Thorang bialtu MLA Er.R.Rohmingliana chuan ni 1.2.2024 (Ningani) khan International Boundary leh achheh vel a fang kual a, helai hmuna BSF, 184Bn. D.Coy.Commandant chu ramri dinhmunte sawi puiin, inkawmna hun tha tak a neihpui.

Er.R.Rohmingliana MLA chuan an duty na chungchang ah harsatna an tawh leh tawh loh thute zawtin, BSF hotu te hian harsatna an neih hran loh thu in an lo chhang a, BSF te hian an camp chhungah Mizoram sorkar-in Eng (Electric) pawh luh sak ve ngei thei se an duhthu erawh an lo thlen ve bawk.

Er. Rohmingliana MLA in abial fanna ah hian International Boundary Fencing hung dan chungchang ah ram engemawzah kan chan niin a hria a, a bial chhung khaw pakhat phei chu International Border Fencing pawn lamah a awm hial nghe nghe a ni. Kan pi leh puten an lo luah chin ram engemawzat India ram kan nih hnua Border Fencing avanga kan chan hi a uihawm takzet a ni, a ti.

Thorang bial chhung khaw thenkhat ten an eizawnna pui ber Hmunphiah chungchanga harsatna an tawh mek dan te bialtu MLA hi lo hrilhin, Sorkar hmasa ah harsatna nei miah lova man man taka an hralh thin thu leh kumin ah chuan hralhna tur an la hmuh loh avanga an buai tan thu MLA hi an lo hrilh a ni.

Thorang bialtu MLA, Er.R.Rohmingliana hi MNF Gen.Hqr.hruaitu thenkhat ten an tawiawm bawk a ni.

Sd/-
(B.LALHMANGAIHZUALA)
Joint Secretary
Media & Publicity Deptt.
Mizo National Front
No. 14/2024
Dt.2.1.2024

Leave a Reply

Your email address will not be published. Required fields are marked *