MAHNI INHAIVUR DUHNA THINLUNG NEI TEN MARTAR-TE KHA INENFIAH NAN I HMANG ANG U – Er. Lalrinawma, Minister

Vawiin September ni 20, 2023 (Nilaini) hian Venghlun Branch YMA Hall, Tlungvelah Martar Day hun hman a ni a. He hun hi bialtu MLA, Er. Lalrinawma, Minister chuan khuallian niin a hmanpui a. Minister chuan, “Mahni inhaivur duhna thinlung nei ten Martar te kha inenfiahnan i hmang ang u. Anmahni tan niloin, ram leh hnam tan an thisen far tawp thlengin an tuar a, an nunna an hlan a ni. Khawvelin hnam tana martar te a ngainep ngailo a. A chawisang thin. Kan ram leh hnam tana nunna hlan tute kha ka hriatchhuah fo a, mahni in enfiahnan kan hman fo atul a ni,” a ti.

MNF Adviser chuan, MNF chu party dang anglo takin, hotu leh hruaituah niloin, thuthlungah kan innghat zawk a ni. Pathian leh kan ram tan tiin thisena sil thuthlungah kan innghat a ni. Kan hnam leh sakhaw tana himlo tura kan ngaih UCC duhlohna pawh assembly house ah huaisen takin kan passed mai a. Kan hruaitu hmasate finna leh remhriatna a lo ropui hle. Kan hnam leh sakhaw himna tur peace accord an lo ziak a. A hlutzia alang dawn chauh a ni, a ti.

Er. Lalrinawma chuan, ram leh hnam tana nasa taka tuar a, chhuan tam tak chaw lo nghei a, nunna hlu tak lo hlan tute kha hre reng ila. Ram leh khawtlang tana kan inpekna kawngah leh vuivaina kan neihnaah in enlet nan leh inpek thar nan i hmang ang u.

Tuikum bualah hmasawnna tam tak alut tawh a. Khelmual, sikul leh inkalpawhna lamah hmasawnna leh thil thar tam tak kan hmu a. Pathianin hriatthiam phak bakin min hruai a, hriselna tha min pe a, bial chhung pawh hriselna lamah hma kan sawn zel a ni, a ti bawk.

Marter Day hmanna inkhawm hi Pu PB Zodinpuia Chairman, Jt.Unit Committee chuan kaihruaiin, Upa K.Vandawla’n hunserh a hmang a. Khuallian hi MNF Gen.Hqrs atangin hruaitu thenkhat ten an hmanpui a. Tuikum bial chhunga hmasawnna thenkhat tarlanna video tlangzarh nghal niin, hun hnihnaah political session hman a ni bawk.

Sd/-

(PETER CHHANGTE)

Jt. Secretary

Media & Publicity Department

Mizo National Front

Memo No.MNF/Media/04/2023/845

Dt. 20. 09. 2023