Mizo National Front
General Headquarters
Mizoram : Aizawl
Press Release
BUALPUI COMMUNITY HALL-AH MNF TUIRIAL WEST BLOCK POLITICAL TRAINING NEIH A NI
Vawiin August 14, 2023 Thawhtanni hian Bualpui Community Hall-ah MNF Tuirial West Block Political tranning neih a ni a. He hunah hian khuallian, K.Vanlalauva MNF Treasurer chuan thusawiin, Mipuiten thil awmzia leh nihna dik tak kan hriat a pawimawh zia sawiin, ZPM chu district tin ah an thawm a len hle rualin an mi leh sa, mi pawimawh tak tak ten an bansan chur chur thu a sawi a, an kal dan phung hi a dik lo a ni, a ti.
ZPM leader Pu Lalduhoma chuan Pu Laldenga a boral laia a thusawiah, Pu Laldenga anga leader tha Mizo zingah an awm lo tih a sawi a ni, tiin, Pu Duhoma hian MNF a zawm ve laiin, a ni chu thusawi mi a ni a nihna pawh pe lo tura tih laiin, reilote a awm hnu ah a nihna thar General Secretary chu hmang thiam loin high command engemawzat a lo thunun hman a. MLA candidate turin mi tam tak a lo tiam hman, tih Pu K.Vanlalauva a sawi a, MNF dik tak chuan khatiang thil tenawm kha kan ti ve ngailo,” a ti.
Pu Auva chuan, MNF hi kan tha tichak turin mitin mai hi kan tan rual a pawimawh hle a. Pathian rinchhan chungin thawhhona tha tak nen kan khingpui te hi beih a pawimawh hle a ni a ti, kan thawh hona a that chuan ‘Pathian leh Kan Ram tan’ sawrkarna pawh pathian zarah kan lak leh ngei a rin thu a sawi bawk.
Pu K.Laldawngliana, Tuirial Bialtu MLA pawhin kalkhawm te chu tan thar a pawimawh zia hrilhin, kan hna chanpualte theuh thawh that apawimawh zia a sawi a, thlamuang taka awm mai mai a hun tawh lo, zoram tan tan kan lak a pawimawh zia asawi a.
MLA chuan a bial mipui te tan party thlei bik nei lo a. Kal zel a tum thusawi in a bial tan theih tawp a chhuah tur thu asawiin, Pathian leh Kan Ram tana hna thawk kan ni a, Kawng engkimah Pathian duhdan a kan kal a pawimawh hle a, party dang sawi chhiat ai chuan kan bial tan eng nge kan tih ve theih? tih te hi kan inhriat chian a tul hle a ni a ti bawk.
Pu Harry Khiangte pawhin thusawiin, inthlan kan hmachhawn turah hian inlungrualna leh tih taktakna nena kan beih a pawimawh zia a sawiin, lungrualna tha tak nen a kan beih chuan MLA inthlanah kan tlin ngei a tur thu a sawi bawk.
Political Training hi Pu Vanlalthanga ,Tuirial East Block MNF Vice President chuan kaihruaiin, Pu C.Lalchhuanawma Block Treasure chuan hunserh ahmang a. MNF General Headquarter atangin hruaitu thenkhatten an tawiawm bawk. Pu Lalruatkima NCM chuan lawmthu sawina neiin zaithiam tak tak ten kalkhawm te hi zaiin an awi bawk a ni.
Sd/-
LALTHAKIMA
Joint Secretary
Media & Publicity Dept.
Mizo National Front
Memo No.MNF/Media/04/2023/821
Dt.14.08.2023