Mizo National Front
General Headquarters
Mizoram : Aizawl

Press Release

PATHIANIN MIDANGTE TANA INSAWR CHHUAH DUHNA THINLUNG MIN PEK HI TLAWMNGAIHNA A NI: DR R LALTHANGLIANA

Dt 29.6.2023 zan hian Tuiphai Group YMA khawpui vawi 33-na, Bethlehem Branch YMA Hall, Cherhlunah an hmang a. He hun hi bialtu MLA, Health Minister Dr R Lalthangliana khuallian niin a hmanpui.

Dr R Lalthangliana chuan thusawiin, “YMA hi awm lo ta se kan ram hi engtin nge a awm ang, tih ngaihtuah tham tak a ni. Covid-in min tihbuai laiin YMA ṭangkai zia kan hmu a, YMA kan nei hi a va hlu em! Rethei leh chanhai riangvaite thliar lova chhawmdawl a, buaipuitu pawl YMA kan nei hi a ropui tak zet a ni,” a ti a. “Mizo nih a danglam a, a nuam bik a ni. Mizo hian hmangaihna, lainatna, duhsakna leh tlawmngaihna kan nei nasa hle a. Pathianin midangte tana insawrchhuah duhna thinlung Mizote min pek hi tlawmngaihna a ni. A hlu tak zet a ni,” a ti.

Dr Thangtea chuan, “Kan unau Raltlante YMA leh Mizo anga kan lo dawnsawng a, kan lo buaipuite hi a ropui ka ti tak zet a. An tan kan insengso a, hun leh tha kan seng a. Zofa ṭhalaite hi Lalpan ram leh hnam tana hna thawk a, Zofate insuihkhawm lehna atana inpe turin min duh a ni,” a ti.

Health Minister chuan, “Covid hripuiin kum 2 leh thla 3 min tibuai a, chuti chung chuan hmasawnna hna theih tawpin sorkarin a kalpui a. Development kan kalpui naa in rilru kap a awm a nih chuan YMA-te hian min hrilh a, thurawn min pe hreh lo turin ka ngen a che u,” a ti bawk.

Vantlang inkhawm hi Pu MC Lalhredika, Tuiphai Group YMA Secretary-in a kaihruai a ni.

Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No.MNF/Media/04/2023/756
Dt 30.06.2023