Mizo National Front
General Headquarters
Mizoram : Aizawl
Press Release
MIZORAM DISTRICT SAWM PAKHAT-A PARIAT HI MNF KUTCHHUAK A NI: DR THANGTEA
Vawiin hian Lawngtlai Western North & South Block MNF Joint Conference chu Diltlang Community Hall-ah neih a ni a. He hun hi khuallian niin Dr R Lalthangliana, Adviser chuan a hmanpui. Dr R Lalthangliana chuan Lawngtlai West bial aṭangin voter 485 MNF Party-ah a lawmlut a ni.
Dr R Lalthangliana chuan thusawiin, “India ramah Integrated Boarder Check Post quota 20 vel a awm a, chungmiah chuan Zorinpui thlan a ni a. Khawchhak lamah Zokhawthar lamah lian taka Boarder Trade kalpui turin ruahmanna siam a ni. Mizoram hian rei loteah boarder trade hi nasa takin a hlawkpui dawn a ni. Lunglei District Kawrpuichhuahah lian takin Boarder Trade kalpui turin ruahmanna siam a ni bawk a ni. Kan kuthnathawktute thlai thar awlsam zawkin kan thawnchhuak zur zur thei tawh turah kan ngai a ni,” a ti.
Dr Thangtea chuan, “Aizawl-ah Cancer Super Speciality Hospital JAICA-te funding-in nuai sing sarih man kan sa dawn a. Hei bakah hian he sorkar hian Covid hripui leng karah pawh hmasawnna hna thawh tawh leh thawh mek tam tak a nei a, kan sorkar nawn leh hi a ṭul hle a ni,” a ti bawk.
MNF Adviser chuan, “Mizoram hian District pathum rei tak kan nei a. District 5 Congress-in a thuin an sorkar tawp ṭepah an puang a. Engmah an ti hman lo. 1998-ah MNF kan sorkar-a, a taka tihlawhtlingtu kan ni ta a, an puan tihlawhtlingtu kan ni. 2008-ah MNF-in Hnahthial, Kawzawl leh Saitual kan puang ve a. Kut pakhatmah an thlak lo. Kan han sorkar a, ṭul kan ti a, kan sorkar aṭanga thla 8 chiah chiahah kan tihlawhtling a ni,” a ti a. “Mizoram District 11 awma District 8 hi MNF kutchhuak a ni,” a ti bawk.
Dr Thangtea chuan, “Congress sorkar khan Zoram Medical College hi an lo hawng a, thil tam tak tih tur hmachhawp a awm a. Kan sorlar tirh khan ICU 13 chiah a awm a, tunah chuan 60 chuang kan nei ta a, khum 160 vel awm ṭhin kha, khum 480 kan nei tawh. District tinah oxygen plant kan dah vek tawh bawk a ni,” a ti.
MNF Adviser chuan, “Budget-a tel lo Covid hripui kan hmachhawn a, Myanmar, Bangladesh leh Manipur buai avanga kan unaute kan chhawmdawl a ṭul a. Vawk pul, lirnghing leh Assam ramri buaiin min nuai bawk. Kan CM Pu Zoramthanga hova mualpho lo leh ṭha taka kan han hmachhawn thei hi a ropui hle a ni,” a ti.
He inkhawmah hi Pu K Rinkhuma, Western North Block President-in a kaihruai a ni.
Sd/-
(LALLENMAWIA JONGTE)
Secretary
Media & Publicity Department
Mizo National Front
Memo No.MNF/Media/04/2023/730
Dt 09.06.2023