Mizo National Front
General Headquarters
Mizoram : Aizawl
Press Release
TAWI EAST BLOCK AH MEDIA AND POLITICAL TRAINNING NEIH A NI
Vawiin ni 15 May, 2023 Thawhtanni chawhnu dar 2 hian MNF Tawi East Block Media & Political Tranning neih a ni a, he hunah hian Pu J Malsawmzuala Vice chairman Media and Publicity Board leh MNF Adviser ni bawk chuan thusawiin, ZPM hi dinna nghet nei lo party an ni a. A thli beng zawng nia an hriat apiang an bawh mai a. Thalai rilru la thianghlimte hip khawm thei tur ni an hriat apiang an bawh a, mizote hi hnam tlem te, vemhim la ngai em em kan nihna pawh an hre chang tawh lo. Nupui pasal neih kawngah pawh an thik thu an ti chhe ngam tawh lo a, hnam rilru an put loh zia chu a lang chho zel a ni, a ti
MNF Media & Publicity Board Vice Chairman chuan, ZPM hi duhthusam ram, a taka thleng thei lo tur leh an tih theih miah loh tur tam tak an sawi a, party sorkar ni lo mipui sorkar an sawi bawk a, ruling party mi nih kher a ngai lo, angkhatin kan en vek ang tiin, neutral leh thalai rilru thianghlimte hip an tum a, party miten malsawmna an lo chan hmasak thinte pawh mipui rahbehna leh sal behna a ni an ti a, kan Pathian thu pawhin, ‘Lo neitu thawk rim chu a rah chang hmasatu a ni tur a ni’ a, party worker thawkrimten a rah an lo chan hmasak hi thil sual a ni hauh si lo ati bawk.
A sawi zelnaah, ZPM hian hetiang thil ropui tak takte hi sawi thin mahse, tun meka an khawih chin, MLA fund an hman danah te pawh, Dan hrulah rem leh rem lova her remin an party mite leh an unit te duhsakna atan an hmang ve leh nghal tho si.
Thalai tam tak an tih beidawn mekte leh an la tih beidawn zel turte lo er let leh tur thlir lawk hian, kan ram leh hnam tana pawi an khawih thui hmain an rilru put hmang mipuiten kan hriat chian a ngai a ni, a ti bawk.
Pu VL Krosshnehzova MNF Gen.Hqrs. General Secretary, pawhin thusawiin, media khawvelah kan cheng tawh a social media in min chenchilh tawh a, chuvangin tangkai tak a hman a pawimawh zia a sawi bawk a ni.
Media tranning ah hian Technical lam hawiin Pu Lallenmawia Jongte Secretary, Pu Malsawmpuia Ralte Jt. Secretary leh Lallianzuala Fanai Jt.Secretary te pawhin thu an sawi bawk a ni.
He hun hi Pu Lalremtluanga IT & Publicity Chairman-Tawi E Block chuan akaihruaiin, Pu Vanlalrawna Ralte Vice Chairman IT & Publicity Tawi E Block chuan lawmthu sawina neiin block huam chhung IT & Publicity member thahnem tak an kal a ni.
Sd/-
(LALTHAKIMA)
Joint Secretary
Media & Publicity Dept.
Mizo National Front
Memo No.MNF/Media/04/2023/705
Dt.15.05.20223