Mizo National Front
General Headquarters
Mizoram : Aizawl

Press Release

Dy.CM Pu Tawnluia’n Government Multilevel Car Parking cum Market/Multi Utility Building a hawng

Vawiin ni 21 April, 2023 Zirtawpni hian Dy.CM Pu Tawnluia chuan Thakthing veng a, Government Multilevel Car Parking cum Market/Multi Utility Building a hawng. Dy.CM chuan thusawiin, he Government Multi Utility Centre hi bul an ṭantirh aṭanga Thakthing vengin a hawnni thleng an tawiawm chu lawmawm a tih thu sawiin, sawrkar hmasain bul an lo ṭan tawh chhunzawm loh tam tak awm thin a, amaherawh kan CM zahawm tak hian mipui tana tangkai tura ruahmanna lo awm tawh zawng zawng chu kan kal tlang pui ang, a ti a, dept.lamin theihtawp an lo chhuah bawk avangin tunah building tha tak mai hawng theia kan awm hi kan CM chungah pawh lawmthu kan sawi a. Sawkar hmasain alo kalpui Zu zawrh erawh chu sawrkar lakluhni tlaiah khan titawp turin dan angin khapna thu chhuah nghal a ni, a ti a. He building hi sawrkarin a buatsaih ang ngei mipuite pawhin a enkawl kawngah min tawiawm zel turin kan sawm che u a.
Sikul tan hun chungchangah pawh kan Mizo dan pangngaiin tukthuan eikhama tan turin kan siam tha leh a, sawrkar inthlak hian thiltha ni a kan hriat chu an kalpui mai thin a nih thu Dy.CM chuan asawi bawk.

Dy.CM chuan Mizoramah pawh urban leh rural in kan inthen tawh a, helaia multi-utility Centre hi kum 2019 khan a ban phun ṭan niin, vawiina hmawr bawk theih a awm hi alawmawm hle a, kan sawrkar hian awmze neiin ke pen a tum ṭantirh khan Covid hripui vangin hmalakna tur hrang hrang pawh inkharkhip vangin hma kan la hlei thei lo a, covid kan dona kawngah abik takin kohhran te, tlawmngai pawl hrang hrang te min tawiawmna ah lawmthu kan sawi a ni, a ti.

UD&PA minister chuan, sum awmdan azir zelin hmasawmna tur hmachhawp hrang hrang te thawh chhoh zel anih thu leh mihring kan pung ang zela kan ram leilung thang ve silo karah hmunhma te a tlem zela, tunhma assam type ang a sak a awm tawh silo a, chuvangin contractor te pawhin hna tha, tlo tur leh rintlak kan ngaih pawimawh atul tawh tak zet thu asawi a. UD&PA hian khawtlang tan Hall, Auditorium, School leh playground kan siam te uluk takin kan vil thin a, insak pawhin thenawmte leh vantlang dipdal lo zawng a sak apawimawh thu leh traffic movement pawh Aizawl khawpuiah chuan hautak tham a ni tawh a, tanlak angai em em a, chutiang kawngah chuan dept lam pawh mipuiin min finchhuah zel turin kan ngen che u a ni, a ti bawk.

Khualzahawm Azl N-III bialtu MLA Pu C.Lalmuanpuia pawhin thusawiin, multi utility centre hawn theih a awm hi alawm a, helai hi Aizawl khawpui tan, veng mipui tan Mizoram tan tangkai taka hman a nih ka duhsaka, abik takin UD&PA minister Dy.CM hmalakna leh inpekna a ropuiin a chhuanawm hle a, UD&PA hmalakna hrang hrang hi a ropui a, ka bialchhung ah pawh hmun hnihah field siamthat hna thawk mek in hmathar an la nasa em em a, Mizoram Dist. hrang hrang khawpui chei tura UD&PA dept. hnathawh hi a ropui hle a ni, a ti.

He building hi cheng 884.73lakh senga sak zawh a ni a, hawnna inkhawm hi Pu Lalmalsawma Pachuau Secretary to the Government of Mizoram in kaihruaiin, Rev.Dr.V.Kap Enga, BCM chuan hunserh a hmang a. Pu C.Malsawma EE UD&PA dept.chuan technical report pe a pe. Thakthing veng Local Council Chairman pawhin thusawiin, Pu H.Lianzela Director UD&PA chuan lawmthu sawina neiin hun a khar a ni.

Sd/-
B.LALHMANGAIHZUALA
Jt. Secretary
Media & Publicity Department
Mizo National Front
Memo No. MNF/Media 04/2023/668
Dt. 21.04.2023