Mizo National Front
General Headquarters
Mizoram : Aizawl
Press Release
HACHHEK BIAL HI MLA BIAL HMASAWN CHAK BERAH SIAM KAN TUM: ROBERT ROMAWIA ROYTE
Vawiin ni 13.4.2023 chhun hian Hachhek bial chhunga West Bunghmun Hallah MNF Adviser leh Minister ni bawk Pu Robert Romawia Royte chuan West Bunghmun khua a Congress Party leh BJP Party atangin MNF zawmthar Voters 130 MNF party-ah a lawmlut. Pu Robert-a chuan sorkarna chang zui leh tura inbuatsaih mek MNF party zawm turin party danga la awm mekte leh neutral te a sawm bawk.
MNF Adviser Pu Robert-a chuan, “ZPM Party-in Governora MLA atanga bang tura min hekna chu Assembly House a ZPM Leader Pu Lalduhawman dawt a sawi avanga ngaiham min dil vang niin mipuiin an ngai a. Min heknaah thudik alan chhuah mek avangin hun nei tlem tawhah an inngai nge ni vawiinah pawh keima chungchangah Vanapa Hall kawtah a vawi 3 nan an kalkhawm leh an ti,” a ti.
Vawiin vek khan Mnf Adviser Pu Roberta hian Mualthuam khuaah MNF a membership fee pe thar Voters 30 a lawmlut bawk a ni.
Minority Affairs Minister Pu Robert Romawia Royte chuan, “Mamit district chu India rama district hnufual zual 124 thlanchhuah zingah a tel avangin he district hmasawnna tura mumal taka ruahmanna (Projects) siam chuan sum sanction turin Central sorkar a inhawng hle tihsawiin, hei hi Sports Deptt leh ICT Department-in anmahni zawna projects an siamte hmanga Mamit district hmun hrang hranga hmasawnna hna an thawh hian atakin a tichiang a ni. Tunah pawh ruahmanna thar siam mek a ni a. Mamit district a Hachhek bial chu mi taima leh kuthnathawk hlawhtling tamna bial niin Kuhva china an hlawhtlinna chu Zoram hmun dang entawn tlak a ni a, Langkai balu thatzia pawh Zoram mipuiin an hre tawh. Hachhek bial hi MLA bial hmasawn chak ber ni turin tan kan la dawn a ni” a ti.
West Bunghmun khua atanga MNF a inpe thar mi 128 zet te lawmluhna thusawiin Pu Robert Romawia Royte chuan MNF Sorkarin covid hripui karah pawh thil tha tam tak atih avang leh mipuiin Chief Minister Pu Zoramthanga kaihhruai sorkar thil tih that an hmuh zel avangin Mizoram hmun hrang hrangah MNF zawmtu an pung chak hle a. Covid hripui avanga sum harsatna karah SEDP pawh sem mek zel a ni. Tunah hian SEDP dawng thar tur pawh thlan a hun leh dawn ta a, SEDP sawiseltu leh hlawhchhampui tur nilo ataka hlawhtlin puitu tur thlan thiam a tul tih a sawi bawk.
Minister Pu Robert Romawia Royte hi Pu K.Laldawngliana MLA,Pu TC Pachhunga ex-MLA & Vice Chairman,SEDP Board leh MNF hruaituten an tawiawm a ni.
Sd/-
(THANGKIMA)
Secretary
Media & Publicity Department
Mizo National Front
Memo No.MNF/Media/04/2023/656
Dt 13.4.2023