Mizo National Front
General Headquarters
Mizoram : Aizawl

Press Release

Lunglei Municipal Council Inthlanpui result chu puan fel a ni ta a, hnehna changtu party te kan lawmpui takzet a, Thlantlinte Lunglei hmasawnna atan theihtawp chhuah turin kan beisei a ni. Chutih rualin tlingzo ta lo zawng zawngte kan tawrhpuiin, hnual mai lova ram tana an tha leh zung te hmanga theihtawp chhuah chhunzawm zel turin kan beisei bawk a, MNF Candidate te tlin theih nana lo Vote tute zawng zawng chungah thinlung takin MNF chuan lawmthu a sawi bawk a ni.

Mikhual rilru pu lova Lunglei hmasawnna atana Mizoram Sawrkarah pawh hma la zel turin thlanchhuah te kan beisei a. MNF Sawrkar, Pu Zoramthanga kaihhruai hnuaia Lunglei hmasawnna tura hmalak tawh leh lak mekte a hlawhtlin nana theihtawp chhuah turin kan ngen nghal bawk a ni.

Lungleiin hmel thar a hmuh phahna tura LMC hi din a ni tih leh, Lunglei mipui a te ber atanga a lianber te tana innghahna tlakah LMC hi kalpui ngei nise, kan duh takzet a. Tute pawhin hnehna chang se, MNF chuan Lunglei khawpui hmasawnna tura theihtawp chhuah chhunzawm zel hi a tum a ni. He inthlanpui neih zawh tak hmang hian MNF chuan tha thar chhuahin, Mizoram leh Mizo mipui tana hmalakna chak zawka kalpuiin, a insangmar chho zel dawn a ni.

LMC inthlan leh Vote chhiar thlenga hah taka thawktu Election Officialte leh thawktu dang zawng zawng te chungah lawmthu MNF chuan a sawi bawk a ni.

Sd/-

(THANGKIMA)
Secretary
Media & Publicity Department
Mizo National Front
Memo No.MNF/Media/04/2023/646
Dt.03.04.2023