Mizo National Front
General Headquarters
Mizoram : Aizawl
Press Release
ROREL NGAWR NGAWR HI A CHÂKA CHÂK CHI A NILO – Dr. R. Lalthangliana
Vawiin December ni 12, 2022 (Thawhtanni) hian Mizo Hnam run chhung inkhawm neih a ni a. Hun hnihnaah Dr. R. Lalthangliana, Health Minister chuan thu sawiin, “Rorel ngawr ngawr hi a châka châk chi a nilo, ram siam hna thawk tura inpekna rilru neia, hmanrua a inpek angai. MNF sorkar ah harsatna liantham tak tak, Covid, Vawkhri, Raltlan, Lirnghing leh Ramri buai kan hmachhawn a. Hetiang buaina kara sorkar hmalakna a chhuanawm takzet a. Covid hripui kara kohhran leh tlawmngai pawlte hmalakna a ropui takzet bawk a, an chungah lawmthu ka sawinawn leh duh a ni. Tun term ang reng renga MLA tha kan neih hi ka hre ngailo. Bial ngaihsak, mi thiam tak tak kan nei a, Pathian tihmi CM kan nei bawk a, hripui leh harsatna lian tak tak avangin ram siam hna thawk turin hna kan thawk tan chho thei dawn chauh a ni”, a ti.
MNF Adviser chuan, MNF hi ni pawimawh nei mumal ber kan ni a. Innghahna lungphum, Pathian leh kan ram tan, tih a ni a, kan ram aiin Pathian kan dah hmasa a. Pathiana innghat kan ni. Party tam tak hming thlakin an zuihral tawh a, MNF erawhchu, chawl miahloa Diamond Jubilee thleng thei kan ni. Pathian leh kan ram tan, tih hian ken tel tam tak a nei a. Kan ram damna tur chuan tlawmna, hmangaihna leh dawhtheihna nena kan beih angai.
India rama tlachhe mek, Mizorama MLA an neih mek zat pawh nei tawhlo tur, Congress hian MNF sorkar hi a thlak dawnlo tih a chiang a. Social media-a innghat, chhim lamah pawh thawm lian tak nei chunga nil ZPM pawh hian MNF sorkar hi a thlakin a rinawmloh a. Thawm chauh lian, tiau chunga In sa ang deuh an ni a. An la tuiril deuh. Vawikhatmah budget la pharh ve ngailo te tan, tunlai thiamna sang tawh takah hian sorkar siam a beiseiawm loh a ni, a ti bawk.
Dr. Thangtea chuan, sorkar leh turin rilru hrisel tak puin thawh angai a, hah atul bawk. Pathian thua kan awmna hi kan sorkar lehna tur a ni. In sangmara, khawngaihna leh dawhtheihna leh hmangaihna nena thawk turin party mipui kalkhawmte a fuih bawk.
Mizo Hnam Run chhung inkhawm hi Pu K. Vanlalauva, Treasurer, MNF chuan kaihruaiin, Pu T. Lalhmachhuana, Gen. Secy, MNF Gen. Hqrs. in hunserh a hmang a. Hmun hrang hranga zin report ngaihthlak a ni bawk.
Sd/-
(PETER CHHANGTE)
Jt. Secretary
Media & Publicity Department
Mizo National Front
Memo No.MNF/Media/03/2022/575
Dt. 12.12.2022