Mizo National Front
General Headquarters
Mizoram : Aizawl
Press Release
HIV/AIDS AWARENESS CAMPAIGN PROGRAMME PU K.LALDAWNGLIANA MLA IN AHMANPUI
Vawiin November ni 22, 2022(Thawhlehni) hian ‘ZORAM HARH RAWH’ tih thupui hmangin HIV/AIDS Awareness Campaign Programme, Parish Hall, Venglai Kolasib a hman chu Pu K. Laldawngliana MLA & Vice Chairman Commerce & Industrial Development Board chuan Khuallian niin a hmanpui.
Khuallian Pu Dawngtea chuan, ‘Zoram Harh Rawh’ tih thupui hmanga HIV/AIDS Awareness Campaign Programme hmanpui tura an sawm avanga lawmthu sawiin, Khawvel in HIV/AIDS a buaipui a, mi tamtakin an thihpui a, vawiin ni thlengin HIV/AIDS kan buaipui ta a ni. Kan ram pawh hi kum 1990 chho vel atangin AIDS in min luh chilh tan a. Vawiin ni thlengin min la chen chilh ta reng a, khawvel awm chhung chu min la tibuai reng dawn a nih hmel. Tun din hmun ah chuan India ram population atanga chhutin HIV/AIDS vei tam na ber state kan ni ta reng mai a. Kristian ram kan nihna nen a inhmeh lo hle a ni, a ti.
Pu Dawngtea chuan, Vawiin ah hian thalai lo kalkhawm te kan hriat reng tur chu HIV/AIDS kai theihna; Mipat hmeichhiatna hman khaw loh, inchiu na thianghlim lo hman, thisen thianghlim lo dawn leh nu in a fa hnute a pek atang te in a ni, tih mithiamten an sawi hi hre reng ila.
Heng HIV/AIDS kai theihna thenkhat hi chu keimahni tihsual vang leh awm khawlohna avang a ni. Chuvangin vawiin ni a thalai lo kalkhawm zawng zawng hian HIV/AIDS kan vei loh nan kan nun uluk angai a. Thalai te kan harh a hun tak zet ta a ni, a ti a.
Tuirial bialtu MLA Pu K.Laldawngliana hian Kolasib-a hun a hman zawh veleh abial chhung, Nisapui khua panin VILLAGE LEVEL EDUCATION AWARNESS PROGRAMME, Nisapui YMA Hall-a hmannaah Khuallian ah a tang bawk a ni.
ZORAM HARH RAWH HIV/AIDS Awarreness Campaign Programme hi Session hnih ( 2) a hman niin Session khatnaah, Pu Thomas D.Lalengliana President Sub Hqrs YMA, Kolasib-in kaihruaiin, Pu John LT Sanga DC Kolasib in inlawmna thu sawiin HIV/ AIDS Awareness Campaigner Pi Lalmuanawmi, Mobile Counsellor, ICTC hnen atang a ngaihthlak a ni a, Session hnihna ah hian Hnam lám leh Pi/Pu zai intihsiakna atan hun hman a ni bawk.
Sd/-
THANGKIMA
Secretary
Media & Publicity Department
Mizo National Front
Memo No.MNF/Media/03/2022/561
Dt.22.11.2022